Idoia Zabaleta

Espazo RPM acolle no seu programa de outono 2026 á coreógrafa vasca Idoia Zabaleta coa súa obra "Pupa, pupita, pupila. Un masaje de la visión", unha acción performativa individual con forma de masaxe no que o teatro aparece no fondo das pálpebras.

Pides cita, chegas ao lugar e recíbete unha persoa, convídate a deitarte nunha padiola ao lado dunha mesa con pequenos obxectos e algunha pastilla. Que se fai calor, que se unha manta, pídete que deixes caer os ollos, que os abandones no fondo do cranio e que lle ofrezas as pálpebras. Claro, é un acto de xenerosidade e disposición á aventura. A partir de aí, apáganse as luces e comeza unha masaxe singular que che recorda que nos soños continúas vendo. A masaxe durará unha hora, o teatro tamén, o soño, porén, será máis breve. Para entón teremos chegado a porto.

Sesións
2 quendas de 20 masaxes cada unha.

Primeira quenda: 15, 16, 17 e 18 de outubro
Segunda quenda: 28, 29, 30 e 31 de outubro

A proposta da propia artista, nas sesións en Espazo RPM existirá unha economía do agasallo. Durante unha primeira quenda, os días 15, 16, 17 e 18 de outubro, as persoas accederán á obra mediante inscrición previa. Neses días, ao rematar a sesión individual, cada unha será convidada a pensar noutra persoa á que agasallar cunha masaxe da visión, que poderá recibila durante a segunda quenda, os días 28, 29, 30 e 31 de outubro. Así, cada masaxe contén a posibilidade doutra masaxe, cada corpo a invocación doutro corpo e cada persoa a visión doutra persoa. Agasallarnos unhas ás outras.

Inscricións
https://forms.gle/GPWp15e7WMPWcG898

aportación mínima suxerida: 12€ / masaxe 
doazóns RPM: https://www.colectivorpm.gal/gl/doazons

Pedirémosvos que vos quitedes os zapatos.

Créditos
Masaxistas: Idoia Zabaleta
Voces: Camila Tellez, Miriam Inza e Ainara Legardón
Escoítase The Most Dramatic Panda EVER de M. Benito e An acoustic balad de Ode Aseguinolaza do álbum Stolen Voices
Agradecementos: Rebecca Collins, Leticia Morales, M. Benito, Karlos Martínez B. e Pablo Marte
Residencias de creación en Azala, EiMa, L´animal a l´esquena e Casa Vella

Duración da masaxe: 65 minutos.