En setembro, organizamos un encontro anual cos artistas Paraíso de cada edición na Illa de San Simón. Este encontro –unha convivencia de dous días– xera un espazo compartido entre artistas Paraíso, socias-amigas de Colectivo RPM e persoas vinculadas á rede de espazos colaboradores.
Illa de San Simón é un espazo único nunha contorna moi especial que nos permite desenvolver distintas dinámicas de presentación e debate sobre os procesos así como propoñer outras de carácter transversal. A posibilidade de durmir ofrécenos un contexto de convivencia moi desexado para este encontro.