O Encontro Paraíso Illa San Simón é a cita anual do programa Residencias Paraíso que terá lugar entre o 22 e o 24 de setembro de 2023 en Illa San Simón (Pontevedra). Un encontro pensado tanto para achegar os procesos artísticos como para interpelarnos –como comunidade das artes vivas– no noso presente e futuro en común.
A cita contará coa presenza dos artistas que estiveron en residencia en 2023, así como con numerosos profesionais convidados de dentro e fóra de Galicia.
Ademais, nesta sétima edición facemos realidade o desexo de ampliar o Encontro Paraíso 2023 co desenvolvemento de varias residencias de investigación en San Simón nas semanas anteriores á convivencia.
Unha convivencia de tres días –coa novidade da apertura ao público da xornada do sábado– para nos atopar na intimidade dunha illa tan singular como a de San Simón.
Grazas por facelo posible.
