Kokoharuka

O espectáculo versa sobre cómo o crecente mundo virtual afecta á nosa liberdade, á nosa privacidade e ás nosas relacións, transformando a nosa identidade. O espazo virtual, inorgánico, ao que denominamos “de aire” vaise apoderando do noso mundo orgánico, real, ao que chamamos “de auga”.

Expoñemos isto a través de pequenas historias cotiás, que suceden a ambolos dous lados deste mundo real e virtual que nos rodea. Plasmadas en textos para ser leídos, en imaxes, en retratos da realidade, en universos sonoros e visuais, en escenas físicas e en pequenas historias, reflexións narradas en off pola voz dun computador, reflicten a realidade na que vivimos. Nesta creación investigamos a transformación á que estamos sometidos os homes e as mulleres actualmente, o crecente desenvolvemento das novas tecnoloxías, e como estas tecnoloxías nos transfoman, afectan e inflúen no noso corpo, o noso movemento e as nosas relacións.